በአፍሪካ ህብረት አማካኝነት የሚካሄደው የህዳሴ ግድብ የሶስትዮሽ ድርድር በዚህ ሳምንት መጨረሻ ይቀጥላል - ዶክተር ስለሺ በቀለ - መነሻ - am

ድርድሩ የሚካሄደው ዲሞክራቲክ ኮንጎ ለሦስቱ ሃገራት የውጭ ጉዳይ ሚኒስትሮችና የውሃ ሚኒስትሮች ባቀረበችው ጥያቄ መሰረት መሆኑን ዶክተር ስለሺ በቀለ ገልጸዋል፡፡

የህበረቱ ባለሙያዎች፣ ታዛቢዎች እና የሦስቱ ሃገራት ባለሙያዎች በድርድሩ ላይ እንደሚገኙ ይጠበቃል፡፡

ሚኒስትሩ አባይ ድንበር ተሻጋሪ የውሃ ሃብት መሆኑን ጠቅሰው የህዳሴ ግድቡ ትልቅ የኃይል ምንጭ ይሰጣመሆኑንም አስታውሰዋል፡፡

የኃይል አቅርቦቱን ከማሳደግ በተጨማሪም ልማትን የሚደግፍ ነው ሲሉ በትዊተር ገጻቸው ላይ አስፍረዋል፡፡

ኢትዮጵያ የውሃ ሃብቱን ጉልህ ጉዳት ሳያስከትል በመርህ ላይ የተመሰረት ፍትሃዊ እና ምክንያታዊ አጠቃቀም ላይ ቁርጠኛ የሆነ አቋም እንዳላት ነው ሚኒስትሩ ያስታወቁት፡፡