አቶ ደመቀ መኮንን በህዳሴ ግድብና ተያያዝ ጉዳዮች ላይ በሱዳንና ደቡብ ሱዳን የአሜሪካ ልዩ መልዕክተኛን ተቀብለው አነጋገሩ - መነሻ - am

አቶ ደመቀ መኮንን በህዳሴ ግድብና ተያያዝ ጉዳዮች ላይ በሱዳንና ደቡብ ሱዳን የአሜሪካ ልዩ መልዕክተኛን ተቀብለው አነጋገሩ
ምክትል ጠቅላይ ሚኒስትር እና የውጭ ጉዳይ ሚኒስቴር ሚኒስትር አቶ ደመቀ መኮንን በሱዳንና ደቡብ ሱዳን የአሜሪካ ልዩ መልዕክተኛ አምባሳደር ዶናልድ ቡዝ የተመራ ከፍተኛ ልዑካንን በቢሮአቸው ተቀብለው አነጋግረዋል።
አቶ ደመቀ ለልዑካን ቡድኑ ታላቁ የኢትዮጵያ ህዳሴ ግድብ የሶስትዮሽ ድርድርና ሌሎች ተዛማጅ ጉዳዮችን አስመልክተው ማብራሪያ ሰጥተዋል።
ኢትዮጵያ ለአባይ ወንዝ 86 በመቶ ውሃ የሚታበረክት አገር መሆኗዋንና 60 በመቶ የሚሆኑ ዜጎችዋ የኤሌክትሪክ ኃይል አቅርቦት ባለማግኘት በጨለማ ውስጥ የሚኖር መሆኑን አስረድተዋል፡፡ ግድቡ በጨለማ የሚኖር ህዝቧን ብርሃን እንዲያገኝ ለማድረግ የታለመ ፕሮጄክት መሆኑን አስረድተዋል።
የአባይ ውሃን በፍትሃዊና እኩልነት መርህ ለልማት ማዋል የኢትዮጵያ ህጋዊና ሉዓላዊ መብት መሆኑን አስረድተው፣ ኢትዮጵያ ታችኞቹን የአባይ ተፋሰስ አገራትን የመጉዳትምንም ፍላጎት እንደሌላት አቶ ደመቀ ለቡድኑ ገልፀውላቸዋል።
በሱዳንና በግብጽ በኩል የሚነሱ ስጋቶች ለመፍታት የሶስትዮሽ ድርድር ሲካሄድ መቆየቱን በማስታወስ፤ የሚነሱ ጉዳዮች በድርድር መፍትሔ ያገኝ ዘንድ ኢትዮጵያ ያላትን አቋም አብራርተዋል፡፡
በአፍሪካ ህብረት በዲሞክራቲክ ኮንጎ መሪነት የሚካሄደው ድርደር እንዲቀጥል የኢትዮጵ ፍላጎት መሆኑን ጠቅሰው፣
የሶስትዮሽ ሂደት መለወጥ ካስፈለገም ሶስቱ አገራት እ.ኤ.አ በ2015 የተፈራረሙት የመርሆዎች መግለጫ ስምምነት(DOP) መሰረት መሆን እንዳለበት አስገንዝበዋል፡፡
የግድቡ ደህነት አስመልክቶ ሱዳን የጠየቀቻቸው መረጃዎችንም የተሰጣት መሆኑን ገልጸው፣ ኢትዮጵያ ለጉዳዮ በድርድር እንዲፈታ ቁርጠኛ መሆንዋን ለልዑካኑ ገልፀዋል።
በግድቡ የውሃ ሙሌት የግንባታው አንድ አካል መሆኑን ጠቅሰው፤ እንደ አሜሪካ ያሉ ወዳጅ አገሮች የህዳሴ ድርድር እንዲሳካና በአከባቢው ያሉ አገሮች መካከል ያለው ግንኙነት እንዳይሻክር ለሚያደርጉት ጥረት ምሰጋና አቅርበዋል። ከአሜሪካ ጋር በትብበር ለመሥራት ኢትዮጵያ ዝግጁ መሆኗን አቶ ደመቀ አረጋግጠዋል፡
******************
(ኢ ፕ ድ)