ከግድቡ ግንባታ እና ከፍትሃዊ የጋራ ተጠቃሚነት ዓላማችን ላፍታም ዝንፍ አንልም! - መነሻ - am

ውሃ ለሰው ልጅ በህይወት መኖር እጅግ አስፈላጊ እና ዋናው የህይወት መሰረት ነው፡፡ ኢትዮጵያ ለአያሌ ዘመናት ምንም ሳትጠቀምበት የኖረችውን የአባይ ወንዝ መጠቀም ለሀገሪቱ የህልውና፣ የሉዓላዊነት እና የመብት ጉዳይ ነው፡፡ ሃገሪቱ ህዝቦቿን ከድቅድቅ ጭለማ እና ካስከፊ ድህነት ለማውጣት ታላቁ የህዳሴ ግድብን ቀን ከሌት በመስራት ላይ ትገኛለች፡፡ በዚህ ግድብ መላው ኢትዮጵያዊ በባለቤትነት ስሜት ከእለት ጉርሱ ከአመት ልብሱ ቀንሶ የገንዘብ፣ በዕውቀቱ ፣ በጉልበቱ ድጋፍ እያደረገ እና እየተሳተፈ ያለዉ ነገን ተስፋ አድርጎ በመስራት ላይ ይገኛል፡፡ ለዚህ ግድብ የነገው ሃገር ተረካቢዎች ህጻናት ሳይቀሩ ቦንድ በመግዛት ድጋፋቸውን እያበረከቱ ሲሆን ያለማንም ብድር እና ድጋፍ ግንባታውን ወደ ማይቀለበስበት ወሳኝ ደረጃ ማድረስ ተችሏል፡፡
ኢትዮጵያውያን የአባይ ወንዝ ከፍተኛዉ ውሃ መጠን መነሻ ሁና እያለ ከታችኛው ተፋሰስ ሀገራት ጋር በጋራ ተጠቃሚነት መርህ በማመን እየተደራደረች ያለችው፡፡ ባለፉት አስርት ዓመታት ለሰላማዊ መፍትሄ ትልቅ ስፍራ በመስጠት የጋራ ተጠቃሚነትን ባማከለ መልኩ በድርድር ስምምነት ላይ ለመድረስ ሁል ጊዜም በሯ ክፍት ነው፡፡
ይሁን እንጂ በሮችዋን ክፍት አድርጋ ለድርድር መቅረብዋ ማንንም በመፍራት ወይም የማንንም ልዩ ፈቃድ ለመጠየቅ ደጅ እየጠናች አለመሆኑ በግልጽ ሊታወቅ ይገባል፡፡በተፈጥሮ ወንዝዋ ማንም ላይ ጉልህ ጉዳት ሳታደርስ መጠቀም የህልውናዋም፣ የሉዓላዊነቷም፣ የማንነትዋም ጉዳይ ነው፡፡ ማንም ሀገር ወይም ታዋቂ ግለሰብ ተነስቶ ሀገሪቱን በማስፈራራት የታላቁ ህዳሴ ግድብን ግንባታ ለማስቆም የሚደረግ ጥረት ከሀገሪቱ መንግስት ጋር ብቻ ሳይሆን ከመላው ኢትዮጵያዊ እና የነገው ትውልድ ጋር የማይታረቅ ፀብ ውስጥ መግባት ነው፡፡ ግድቡን ለማፍረስ አይደለም ለሟጓተት የሚደረጉ ሴራዎች መላውን ኢትዮጵያዊ በአንድነት በማሰለፍ በበለጠ ወኔ እና እልህ ድጋፉን እንዲያጠናከር ከማድረግ በቀር ውጤት አልባ ነው፡፡
በመሆኑም ቀና አሳቢ አደራዳሪ መስለው ፍርደ-ገምድል ውሳኔ በማስተላለፍ ጫና ለመፍጠር ያደረጉት ጥረት ያልተሳካላቸው ፤ ዛሬ ደግሞ መላው ኢትዮጵያዊ እንደዓይን ብሌኑ የሚመለከተውን ግድብ "ሊፈርስ ይችላል!" የሚለዉ ንግግር ሁሉንም ኢትዮጵያዊ ያሳዘነ እና ለዓለም ሰላም፣ በተለይም ለመካከለኛው ምስራቅ ደህንነት እየሰራሁ ነው ከምትል ታላቅ