በታላቁ ህዳሴ ግድብ ግንባታ አፈጻፈም ተደስተናል - የኢትዮጵያ ፌደራል ፖሊስ ኮሚሽን ከፍተኛ አመራሮች - መነሻ - am

በምክትል ኮሚሽነር ጀነራል ነብዩ ዳኜ የተመሩት የኢትዮጵያ ፌደራል ፖሊስ ኮሚሽን ከፍተኛ የአመራር አካላት በሳይንስ ሙዚየም የተሰናዳውን የውሃና ኢነርጂ ኤግዚቢሺን ተዘዋውረው የጎበኙ ሲሆን ኢትዮጵያ በዘርፉ የደረሰችበት ደረጃ አስደናቂ ነው ብለዋል፡፡

በጉብኝቱም የታላቁ ህዳሴ ግድብ ግንባታ አፈጻፈም፣ ከመነሻው ጀምሮ አሁን ግድቡ ስከደረሰበት ደረጃ ያለው የመሪዎች ቅብብሎሽ፣ የኢትዮጵያውያንና ትውልደ ኢትዮጵያውያን ሁለንተናዊ ድጋፍና ተሳትፎ እንዲሁም የሃብት አስባሰብ ተግባራትና በቀጣይ ሰልሚያስፈልጉ የድጋፍ አይነቶች ማብራርያ የተሰጠ ሲሆን የግድቡ ግንባታ አሁን ስለደረሰበት ደረጃም ሰፋ ያለ ገለጻ ተደርጎላቸዋል፡፡

በጉብኝቱ የተሳተፉ የአመራር አካላት በተደረገላቸው ገለጽ በጣም የተደሰቱ መሆኑንና የግድቡ ግንባታ ወደ መጠናቀቁ በመድረሱ እጅግ መደሰታቸውን ተናግረዋል፡፡

በመሆኑም እንደ ኢትዮጵያ ፌደራል ፖሊስ ኮሚሽን ለቀሪ ስራዎች የሚጠበቅብንን ሁሉ ለማድረግም ዝግጁ ነን በማለትም ተናግረዋል፡፡